Нуриҳои микробӣ бештар аз маводи органикӣ ва дигар ягон манбаҳои шакарӣ ё крахмал иборатанд, ки дар як вақт тавассути намудҳои махсуси микроорганизмҳо мепӯсанд. Маҳсулоти ҳосилшуда аз организмҳои зинда иборатанд, бинобар ин онҳо бояд эҳтиёткорона истифода шаванд. Нуриҳои микробиро баъд аз гузаштани муҳлат истифода бурдан мумкин нест, зеро организмҳои зиндае, ки дар онҳо мавҷуданд, аллакай мурдаанд.

Сарфи назар аз он, ки истифодаи микроорганизмҳо то андозае омӯхта шудааст ва таъсири мусбии онҳоро тасдиқ кардан мумкин аст, аммо таҷрибаи истифодаи амалии онҳо ҳанӯз кам аст. Барои муайян кардани таъсири маҳсулоти муайян, тавсия дода мешавад, ки аввал онро дар майдони хурд санҷида, натиҷаҳоро бо натиҷаҳое, ки дар минтақаҳои истифода нашуда муқоиса кунем. Бояд дар хотир дошт, ки нуриҳои микробӣ барои иваз кардани сатҳи гумус дар хоки хоҷагӣ ҷойгузини пурра шуда наметавонанд. Аксарияти бактерияҳо ва занбӯруғҳо, ки дар нуриҳои харидашуда мавҷуданд, одатан дар хок мавҷуданд. Аз ин рӯ, ҷорӣ кардани инокулятҳои микробӣ шумораи муайяни организмҳоро зиёд мекунад. Бо мақсади сарфаи пул, баъзе деҳқонон нуриҳои микробиро худашон истеҳсол мекунанд.

Барои тайёр кардани 1500 кг нуриҳои микробӣ маводҳои зерин лозиманд:

  • 400 кг поруи чорвои калон
  • 400 кг коҳи зироати ғаллагӣ (гандум ё ҷав)
  • 400 кг хоки замини хоҷагиатон (бе санг)
  • 120 кг хокистари хезум
  • 20 кг сабӯси гандумӣ
  • 1 кг оҳак
  • 225 литр об